'n QVRP blog
 
 Honde | Katte | Soogdiere | Voëls | Roberts Voëlname | Boeke

7.5.20

Troetel verhuis

Die Troetel blog verhuis binnekort permanent na Roekeloos.co.za.

Die inhoud is reeds gepubliseer op Roekeloos.co.za en alle nuwe inhoud sal slegs by Roekeloos.co.za verskyn. Na beraming sal die verhuising nog vanjaar afgehandel word. Daarna sal besoekers aan hierdie blog outomaties na Roekeloos.co.za gaan.

Troetel word deel van ’n versameling uitstekende naslaanbronne by Roekeloos.co.za.

30.4.20

Vuurvliegies bedreig

Die wêreldwye afname in insekpopulasies maak navorsers en die algemene publiek bekommerd. Daar is nog groot gapings in ons kennis van wat die insekte bedreig. Dit geld ook vir die amper 2000 plus spesies vuurvliegies.

Navorsers aan Tufts University in Amerika het onderneem om uit te vind wat die grootste bedreigings vir vuurvliegies is. Hulle het bevind dat onder die grootste bedreigings is die vernietiging van habitatte, kunsmatige lig en die gebruik van plaagdoders.

Die verlies van habitat is die grootste bedreiging, want vuurvliegies kan nie so maklik van omgewing verander nie. Kunsmatige lig ontwrig paring en voortplanting in verskeie spesies.

Die navorsing is gepubliseer in die joernaal BioScience.


’n Vroulike gloei-wurm (Lampyris noctiluca) sal ure lank skyn om haar maat aan te trek, maar helderder lig haar vooruitsigte aansienlik verminder.
(foto: Jason Steel - www.jason-steel.co.uk)

23.4.20

Vrystaatse dwergskeerbekmuis

Suncus orangiae orangiae

Die Vrystaatse dwergskeerbekmuis is dieselfde grootte as die Warrense dwergskeerbekmuis. Dit is ’n ligbruin kleur met ligkleurige bene asook die onderkant van die stert.

Dié muis kom voor in die Vrystaat, veral in die omgewing van Bothaville.

(Het iemand dalk 'n foto van ’n Vrystaatse dwergskeerbekmuis?)

16.4.20

Breëbek-walvisvoël / Broad-billed Prion

Pachyptila vittata

Besoek gewoonlik die Suid-Afrikaanse weskus, maar nie gereeld nie.

2.4.20

Warrense dwergskeerbekmuis

Suncus warreni warreni

’n Liggrys skeerbekmuis. Kom voor in die Wes-Kaap in die omgewing van die Doringrivier en die dorp Klawer.

(Het iemand dalk 'n foto van ’n Warrense dwergskeerbekmuis?)

26.3.20

Bloustormvoël / Blue Petrel

Halobaena caerulea

Die bloustormvoël is ’n seldsame besoeker aan die Suid-Afrikaans kus. Dié stormvoël lyk baie soos die walvisvoël, maar het donker merke op die kroon, agterkop en langs die bors. Die stert het ’n wit punt. Dit is nogal handig want hulle vlieg gereeld saam met swerms walvisvoëls.


(foto: JJ Harrison)

Gewilde onderwerpe