'n QVRP blog

Honde | Katte | Soogdiere | Voëls | Roberts Voëlname | Boeke

21.11.16

Blou-aap / Vervet Monkey

Cercopithecus aethiops pygerythrus

Hierdie blou-grys apie is ’n algemene gesig in Suid-Afrika, bo vanaf KwaZulu-Natal tot onder by Swellendam in die Wes-Kaap.

Hulle kom gewoonlik voor in klein groepies, maksimum 12. Die groepies se gunsteling uithangplek is groot akasiabome langs strome. Wanneer hulle alarm maak skree hulle ’n klipharde “’ngkau”.

Blou-ape eet graag bessies en vrugte. Om hierdie rede is boere nie mal oor hulle nie. Hulle is boonop slim en sal mens dophou in vrugteboorde vanaf ’n skuilplek voor hulle toeslaan. Hulle kan ook swem.

Die wyfies dra die baba’s teen hulle bors tot hulle groot genoeg is om na hulleself te kyk.

No comments:

Post a Comment