'n QVRP blog

Honde | Katte | Soogdiere | Voëls | Roberts Voëlname | Boeke

30.5.18

Seeskilpaaie se geslag besig om te verander

Nuwe navorsing het bevind dat groen seeskilpaaie op die Groot Koraalrif by Australië omtrent net wyfies voortbring.

Die rede is oseane wat verwarm. Om die kolonie se kanse op oorlewing te verbeter is meeste kleintjies nou wyfies. Die geslag van die skilpadjies word bepaal deur die temperatuur van die sand waarin die eiers gelê word.

Die sand in die omgewing van Australië se Groot Koraalrif het sodanig verwarm die afgelope 20 jaar dat omtrent net wyfies tans in die omgewing gebore word. Omtrent 99,1% is nou wyfies. Op die oog af help dit die seeskilpaaie. Die probleem is klimaatsverandering vind vinniger plaas as wat die skilpaaie kan aanpas.

Seeskilpaaie is van die oudste lewende wesens in die oseane en het deur evolusie geleer hoe om aan te pas by klimaatsverandering.

Die bevindings van die studie is gepubliseer in die joernaal Current Biology.



foto: Groen seeskilpad. Michael Jensen/NOAA Fisheries

24.5.18

Hond vir blindes grootgemaak

Die SA Gidshondeverening het ’n groot behoefte aan gewone mense wat help om gidshonde groot te maak.

Carla Rittonori van Mountain View, Pretoria, het die afgelope jaar vir Sykes, ‘n golden retriever-kruising grootgemaak.
Hy kry nou verdere opleiding sodat hy binnekort ‘n gidshond vir ‘n blinde persoon kan wees.

18.5.18

Nuwe kameelperde by JHB-dieretuin

Die Johannesburg dieretuin het twee nuwe kameelperde wat onlangs gearriveer het.

9.5.18

Laagwater bring vir Bob Marley

Op 11 Januarie 2009, om 02h00 die oggend, het die water langs die kuslyn van Queensland, Australië, abnormaal vêr teruggetrek. Oplettende navorsers van die Queensland Museum en die Universiteit van Hamburg het op die nuut ontblote seebodem ’n nuwe soort seespinnekop ontdek.

Die laagwater het hulle aan die reggae legende Bob Marley se liedjie, “High Tide or Low Tide” laat dink. So het die spinnekop ook ’n naam gekry Desis bobmarleyi.

Desis bobmarleyi het aangepas vir lewe onder water deurweg te kruip in die skulpe van suigmossel of koraal tydens hoogwater. Om asem te haal, weef hulle lugkamers van sy. Sodra die seewater terugtrek kom hulle uit en maak jag op klein ongewerwelde diere wat op die nabygeleë rotse, korale en plante rondstap.

Die navorsers se oorspronklike bevindings is verlede jaar gepubliseer in die joernaal Evolutionary Systematics.



(foto: R Raven)

20.4.18

Sasol Eerste Veldgids tot die Paddas van Suider-Afrika

Sasol Eerste Veldgids tot die Paddas van Suider-Afrika is ’n interessante gids tot die paddas van die streek.

Volkleurfoto’s, verspreidingskaarte en verstaanbare teks sal nuwelinge en aspirantnatuurkenners help om die algemeenste paddaspesies in Suider-Afrika uit te ken, te ontdek waar hulle voorkom en te leer van hul unieke gedrag en buitengewone eienskappe.

Sasol Eerste Veldgids tot die Paddas van Suider-Afrika / Vincent Carruthers -- Penguin Random House South Africa, Januarie 2018; sagteband. -- ISBN 9781775844938

Sasol Eerste Veldgids tot die Paddas van Suider-Afrika,
Bettie Blom,
20 April 2018.


2.5

28.3.18

Chathamalbatros of – malmok / Chatam Albatross

Thalassarche eremita

’n Uiters seldsame voël. Hulle lyk baie soos die Salvinalbatros, behalwe dat die kop en nek grys is, sonder die wit “mus” op die kop. Die snawel is geel met ’n vlek aan die punt van die onderste mandibel.

26.3.18

Nat honde by Wollies

Honde skuil by die Wollies Diere Projek in die noorde van Pretoria teen die aanhoudende reën. Die hondehokke het die afgelope twee dae oorstroom. Wekers en vrywilligers het ingespring om te help om die diere te probeer droog kry.